Garanuug Quudi Maankaaga
Waa buurta ugu dheer Soomaaliya, waxa ayna ka tirsan tahay buuraha Calmadow. Waxa ay badda ka korraysaa ilaa 2,408 mitir. Waa dhul qaboow oo roob badan.
Surud Cad waxay u dhowdahay magaalada Ceerigaabo, Sanaag.
Xaaji Aadan Af-qallooc ayaa gabaygiisi Ceerigaabo waxa uu ku yidhi:
Mandartiyo25 kamaalkaad26 Lubnaan ugu malaysaaye
Manaakh27 iyo hawaba waxay ka tahay Mawsilta28 Ciraaqe
Kolkaad madaxa Surudeed29 tagtiyo meesha ugu taagan
Badda waxa maraayoo dhan baa kuu muraayadahe
Seyid Maxamed meeshuu dhisaan maabku doorsamine
Madfaca laga ridaa wuxu socdaa kuman masaafoode
Milaterigu meeluu degoo muhima weeyaane
—–
25. Mandar: muuqaalka quruxda badan ee deegaanta roobban
26. Kamaal: dhammaystirnaan, kaammilnaan
27. Manaakh: cimilo, hawada
28. Mawsil: waa magaalada Mousil oo ku taalla Ciraaq
29. Surud: buurta ugu dheer buuraha dalka, kana mid ah buuraha Ceerigaabo
Halkan waxa aad ka daawan kartaa muuqaal laga duubay degaankaas Calmadow.
Maxaad ku dari lahayd?
Xigasho
Hirarka Taariikhda iyo Halgankii Soomaalida, Khaalid Cali Guul Warsame
Aqoondarro Waa u Nacab Jacayl, Faarax Maxamed Jaamac Cawl
Hal Aan Tebayey, Maxamed Baashe X. Xasan
Encyclopaedia Britannica
