Home / Ku Saabsan

Ku Saabsan

Garanuug Limited waa shirkad waxbarasho iyo faafin. Higsi waxaa u ah: “soo saarista ummad garaad suubban iyo aqoon sare leh” Si ay uga midhadhaliso hiraalkeeda oo loo helo Soomaali la jaanqaadi kara, wax na ku biirin kara nolasha casriga ah waxa ay ka shaqaynaysaa in ay diyaariso buugaag iyo qoraallo ku saabsan mawduucyo badan, qaar asalkooda af Soomaali lagu diyaariyey, qaarna afaf kale laga soo turjumay. Garanuug waxa ay la shaqaynaysaa aqoonyahanno Soomaaliyeed oo ku gudajira in ay soo saaraan buugaag cusub, sida buug dhawaan soo bixi doona oo loogu talogalay dugsiyada sare.

Qorshe

Waxqabadka dhow waxaa ay diiradda saaraysa in ay daboosho baahida goobaha waxbarasho ka haysata buugaagta waxbarasho ee ku qoran afkeenna hooyo. Garanuug waxa ay soo saaraysaa buugaag tayadoodu sarrayso, oo maado ahaan iyo qoraal ahaan ba aa looga soo shaqeeyay. Garanuug waxqabadkeeda iyo in ay akhristeyaasheeda u soo gudbiso xog iyo aqoon heer sarraysa dhowaan filo. Garanuug waxay u taagan tahay kobacaaga iyo horumarkaaga, waxaana halkudheg u ah: Quudi Maankaaga, Kobci Garaadkaaga.

Yoolkayagu waa ummad garaad suubban iyo aqoon sare leh.

Print Friendly

11 comments

  1. ASC marka hore Alle ayey mahadi usugnaaty dadaalka aad umadiina wadaan Alle ayaa idinka abaan marin doonnna walalahyga webkan iska leh waa soo dhaweynayaa fikirka aad kutaagan tihiin waa mid loo bahanyhay waana mid midho lali doonnna musaqbalka dhow , waxaan idinka codsan lahaa inaad taxanne wax kasta nooga dhigtaan si aannu udhameysano mawduucaa oo dhan , waxaan kale oo an idinka codsan lahaa hadii aad buugaag soo saartaan inaan webka noo dhigtaan ha ahaadeen kuwo iiba ama aan ahynne

  2. Intii aan akhriyaayay website-kan waxa aan dhex mushaaxayay aqoon iyo xasuusin wax waayo hore iigu danbaysay. waxa aan odhan karaa waa website-kii intii aan noolaa aan arko oo kan oo kale ah oo afsoomaali ah, waa meel cilmi buux dhaafiyay, waa meel marka aad soo gasho iyo marka aad ka baxayso uu farqi wayni kuu dhaxeeyo waayo waxa aad ka korodsanaysaa cilmi.
    laakiin somaalidu hal mushkilad ayay leedahay oo way ka daashaa hawsha marka ay mudo wadaan ee waxaan idinku dhiirinayaa in aydaan ka daalin insha allaah ilaahayna wuu idiin fududayndoonaa .

  3. anigu waxaan la qabaa mowliid amaanta iyo taladaba, waxaan dheeraad ii ah oo aniga gooni ii ah inaan garanuug ka helay sheekada “aqoon daro waa u nacab jacayl ” oo intii sanado badan ah aan doonayay , iyo maaah maahyo mucjiso ah . marka markale mahadsanidiin garanuug team waan hubaa inaad reebaysaan dhaxal idin anfaca aduun iyo aakhirab.

  4. salaamulah calaykum bahda garanuug runti aad baan uga helaye websitekaa oo aanan ka korarsadaye waxbdn iga dhinaa waa ku mahadsantihiin aad idinku amaanaya howlaha umada soaliyeed u heeysan

  5. Assalaamu calaykum dhamaan bahda GARANUUG,

    Marka koowaad waan idiin kaga mahadcelinayaa shaqada wacyigalinta ah ee aad u haysaan bulshada Soomaaliyeed.
    Marka labaad waxaan idin ka codsanayaa inaad ii daabacdaan qoraal aan ku naqdinayo qoraal lagu qoray BOGGA MAANDOON.COM larkiisuna ahaa Wahaabiya: diin iyo dawlad!

    Sideedaba insaanku isku si wax uma arkaan oo ruux waxa la quman mid kalay la qaabdarantahay. Marka ayadoo ta la tixgalinayo baa haddana la rabaa in la wada noolaado, wixii kala duwanaansho ahna la lafa guro oo intii la isku qancin karo la isku qanciyo.
    Anoo taas ka duulaya baan qoray qoraal aan ku naqdinayo qoraalka Shaafici waliba si anshax ka muuqdo.
    Waxaan idiin ka codsanayaa inaad iga aqbashaan inaad ii daabacdaan qoraalkaas. Qoraalkuna waa diyaar oo haddii aad aqbashaan waan idiin soo dirayaa, wuxuuna horudhac u noqon doonaa qoraalo badan oo aan rabo inaan daabaco idin Alle.
    Markasta diyaar baan u ahay inaan buuxiyo shuruudaha daabacaadda.

    Aad baad u mahadsantihiin.

    • Wacalaykum salaam Ismaacii. Aad baad u mahadsan tahay, walaal.

      Wixii qoraal ah waxa aad noogu soo diri kartaa info@garanuug.com. Haddii aanu go’aansanno in aanu faafinno waanu kula soo socodsiinaynaa, haddii Alle idmo.

      Mahadsanid, mar labaad.

  6. Maashaa’Alaah,Ilaahey Ha idinla garab galo.

Leave a Reply

Your email address will not be published. Required fields are marked *